ಮಂಗಳೂರು : ಮೋದಿ ಸರ್ಕಾರವು “ಸುಧಾರಣ”, ಹೆಸರಿನಲ್ಲಿ ಲೋಕಸಭೆಯಲ್ಲಿ ಮತ್ತೊಂದು ಮಸೂದೆಯನ್ನು ಬುಲ್ಡೋಜರ್ ಮಾಡುವ ಮೂಲಕ ವಿಶ್ವದ ಅತಿದೊಡ್ಡ ಉದ್ಯೋಗ ಖಾತರಿ ಯೋಜನೆಯಾದ ಮನ್ರೇಗಾ ವನ್ನು ಕೊಲೆ ಮಾಡಿದೆ ಎಂದು ಎಐಸಿಸಿ ಕಾರ್ಯಕಾರಿ ಸಮಿತಿ ಸದಸ್ಯರು, ಲೋಕಸಭಾ ಮಾಜಿ ಸಂಸದರಾದ ವಿಜಯ್ ಇಂದರ್ ಸಿಂಗ್ಲಾ ತಿಳಿಸಿದರು .
ಅವರು ಕಾಂಗ್ರೆಸ್ ಕಚೇರಿಯಲ್ಲಿ ಕರೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ , ಇದು ಮಹಾತ್ಮ ಗಾಂಧಿಯವರ ತತ್ವಶಾಸ್ತ್ರವನ್ನು ಕೆಡವಲು ಮತ್ತು ಬಡ ಭಾರತೀಯರಿಂದ ಕೆಲಸ ಮಾಡುವ ಹಕ್ಕನ್ನು ಕಸಿದುಕೊಳ್ಳುವ ಉದ್ದೇಶಪೂರ್ವಕ ಪ್ರಯತ್ನವಾಗಿದೆ. ಮನ್ರೇಗಾ ಗಾಂಧೀಜಿಯವರ ಗ್ರಾಮ ಸ್ವರಾಜ್ಯ, ಕಾರ್ಮಿಕರ ಘನತೆ ಮತ್ತು ವಿಕೇಂದ್ರೀಕೃತ ಅಭಿವೃದ್ಧಿಯ ದೃಷ್ಟಿಕೋನದ ಜೀವಂತ ಸಾಕಾರವಾಗಿದೆ. ಆದರೆ ಈ ಸರ್ಕಾರವು ಅವರ ಹೆಸರನ್ನು ಅಳಸಿಹಾಕಿದೆ. ಅವರು 12 ಕೋಟಿ ಮನ್ರೇಗಾ ಕಾರ್ಮಿಕರ ಹಕ್ಕುಗಳನ್ನು ನಿರ್ದಯವಾಗಿ ಕಸಿದಿದ್ದಾರೆ. ಎರಡು ದಶಕಗಳಿಂದ, ಮನ್ರೇಗಾ ಕೋಟ್ಯಾಂತರ ಗ್ರಾಮೀಣ ಕುಟುಂಬಗಳಿಗೆ ಜೀವನಾಡಿಯಾಗಿದೆ ಮತ್ತು ಕೋವಿಡ್-19 ಸಾಂಕ್ರಾಮಿಕ ಸಮಯದಲ್ಲಿ ಆರ್ಥಿಕ ಸುರಕ್ಷತಾ ಜಾಲವಾಗಿ ಕಾರ್ಯನಿರ್ವಹಿಸಿದೆ ಎಂದು ಸಾಬೀತು ಮಾಡಿದೆ ಎಂದರು .
2014 ರಿಂದ, ಪ್ರಧಾನಿ ಮೋದಿ ಮನ್ರೇಗಾ ವನ್ನು ತೀವ್ರವಾಗಿ ವಿರೋದಿಸಿಕೊಂಡು ಬಂದಿದ್ದಾರೆ. ಅವರು ಇದನ್ನು “ಕಾಂಗ್ರೆಸ್ ವೈಫಲ್ಯದ ಜೀವಂತ ಸ್ಮಾರಕ” ಎಂದು ಕರೆದರು. ಕಳೆದ 11 ವರ್ಷಗಳಲ್ಲಿ, ಮೋದಿ ಸರ್ಕಾರವು ಮನ್ರೇಗಾ ವನ್ನು ವ್ಯವಸ್ಥಿತವಾಗಿ ದುರ್ಬಲಗೊಳಿಸಿದೆ ಮತ್ತು ಹಾಳುಮಾಡಿದೆ. ಬಜೆಟ್ಗಳನ್ನು ಕಡಿತಗೊಳಿಸುವುದರಿಂದ ಹಿಡಿದು ರಾಜ್ಯಗಳಿಂದ ಕಾನೂನುಬದ್ಧವಾಗಿ ಕಡ್ಡಾಯವಾದ ಅನುದಾನವನ್ನು ತಡೆಹಿಡಿಯುವುದು, ಉದ್ಯೋಗ ಕಾರ್ಡ್ ಗಳನ್ನು ಅಳಿಸುವುದು ಮತ್ತು ಆಧಾರ್ ಆಧಾರಿತ ಪಾವತಿ ಬಲವಂತಗಳ ಮೂಲಕ ಸುಮಾರು ಏಳು ಕೋಟಿ ಕಾರ್ಮಿಕರನ್ನು ಹೊರಗಿಟ್ಟಿದೆ. ಈ ಉದ್ದೇಶಪೂರ್ವಕ ಕತ್ತು ಹಿಸುಕುವಿಕೆಯ ಪರಿಣಾಮವಾಗಿ, ಕಳೆದ ಐದು ವರ್ಷಗಳಲ್ಲಿ ಮನ್ರೇಗಾ ವನ್ನು ವರ್ಷಕ್ಕೆ ಕೇವಲ 50-55 ದಿನಗಳ ಕೆಲಸವನ್ನು ಒದಗಿಸುವ ಹಂತಕ್ಕೆ ಇಳಿಸಲಾಗಿದೆ ಎಂದು ಆರೋಪಿಸಿದರು .
ಪತ್ರಿಕಾಗೋಷ್ಠಿಯಲ್ಲಿ ದ.ಕ.ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷರಾದ ಕೆ.ಹರೀಶ್ ಕುಮಾರ್ , ಮಾಜಿ ಸಚಿವರಾದ ಬಿ.ರಮಾನಾಥ ರೈ , ವಿಧಾನ ಪರಿಷತ್ ಶಾಸಕರಾದ ಮಂಜುನಾಥ ಭಂಡಾರಿ , ಐವನ್ ಡಿಸೋಜ , ಮೂಡಾ ಅಧ್ಯಕ್ಷ ಸದಾಶಿವ್ ಉಳ್ಳಾಲ್ , ಕಾಂಗ್ರೆಸ್ ಮುಖಂಡರಾದ ಪದ್ಮರಾಜ್ ಪೂಜಾರಿ , ಅಪ್ಪಿ ಸಹಿತ ಮುಂತಾದವರು ಉಪಸ್ಥಿತರಿದ್ದರು .