ಮಲೆಷ್ಯಾ : ತಮಿಳು ನಟ-ರಾಜಕಾರಣಿ ವಿಜಯ್ ಅವರು ಶನಿವಾರ ತಮ್ಮ ಮುಂಬರುವ ಚಿತ್ರ “ಜನ ನಾಯಗನ್”ನ ಬೃಹತ್ ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಚಲನಚಿತ್ರೋದ್ಯಮದಿಂದ ತಮ್ಮ ಅಂತಿಮ ನಿರ್ಗಮನವನ್ನು ಸೂಚಿಸಿದರು, ಸುಮಾರು 1ಲಕ್ಷಕ್ಕೂ ಅಧಿಕ ಮಂದಿ ಸೇರಿದ್ದ ಅಭಿಮಾನಿಗಳ ಎದುರು ವಿಜಯ್ ಜನರ ಸೇವೆಗಾಗಿ ಸಿನೆಮಾವನ್ನು ತ್ಯಜಿಸುತ್ತಿದ್ದೇನೆ ಎಂದು ಹೇಳಿದರು
ಡಿಸೆಂಬರ್ 27 ರಂದು ಮಲೆಷ್ಯಾದ ಬುಕಿಟ್ ಜಲೀಲ್ ಕ್ರೀಡಾಂಗಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನಟ,ಟಿವಿಕೆ ಪಕ್ಷದ ಅಧ್ಯಕ್ಷ ವಿಜಯ್ ತಮ್ಮ ಅಭಿಮಾನಿಗಳಲ್ಲಿ “ನಾನು ಸಿನಿಮಾ ರಂಗಕ್ಕೆ ಬಂದಾಗ, ನಾನು ಇಲ್ಲಿ ಒಂದು ಸಣ್ಣ ಮರಳಿನ ಮನೆಯನ್ನು ನಿರ್ಮಿಸುತ್ತಿದ್ದೇನೆ ಎಂದು ಭಾವಿಸಿದ್ದೆ. ಆದರೆ ನೀವೆಲ್ಲರೂ ನನಗಾಗಿ ಒಂದು ಅರಮನೆಯನ್ನು ನಿರ್ಮಿಸಿದ್ದೀರಿ. ಅಭಿಮಾನಿಗಳು ನನಗೆ ಕೋಟೆಯನ್ನು ನಿರ್ಮಿಸಲು ಸಹಾಯ ಮಾಡಿದರು… ಅದಕ್ಕಾಗಿಯೇ ನಾನು ಅವರ ಪರವಾಗಿ ನಿಲ್ಲಲು ನಿರ್ಧರಿಸಿದ್ದೇನೆ” 33 ವರ್ಷಗಳಿಂದ “ನನಗಾಗಿ ಎಲ್ಲವನ್ನೂ ತ್ಯಜಿಸಿದ ಅಭಿಮಾನಿಗಳಿಗಾಗಿ, ನಾನು ಸಿನಿಮಾವನ್ನೇ ತ್ಯಜಿಸುತ್ತಿದ್ದೇನೆ.”2026 ರಲ್ಲಿ ಹೊಸ ಇತಿಹಾಸವನ್ನು ನಿರ್ಮಿಸುವ ವಿಶ್ವಾಸವನ್ನು ವ್ಯಕ್ತಪಡಿಸಿದರು.
ನೀವು ಜೀವನದಲ್ಲಿ ಯಶಸ್ವಿಯಾಗಲು ಬಯಸಿದರೆ, ನಿಮಗೆ ಸ್ನೇಹಿತರು ಅಗತ್ಯವಿಲ್ಲದಿರಬಹುದು, ಆದರೆ ನಿಮಗೆ ಬಲವಾದ ಶತ್ರು ಬೇಕು. ಬಲವಾದ ಶತ್ರು ಇದ್ದಾಗ ಮಾತ್ರ ನೀವು ಬಲಶಾಲಿಯಾಗುತ್ತೀರಿ. ಆದ್ದರಿಂದ, 2026 ರಲ್ಲಿ, ಇತಿಹಾಸವು ಪುನರಾವರ್ತನೆಯಾಗುತ್ತದೆ. ಜನರಿಗಾಗಿ ಅದನ್ನು ಸ್ವಾಗತಿಸಲು ನಾವು ಸಿದ್ಧರಾಗೋಣ. ಧನ್ಯವಾದಗಳು, ಮಲೇಷ್ಯಾ….
‘ತಲಪತಿ ತಿರುವಿಳ’ ಎಂದು ಕರೆಯಲ್ಪಡುವ ಈ 5 ರಿಂದ 6 ಗಂಟೆಗಳ ಕಾಲ ನಡೆದ ಈ ಅದ್ದೂರಿ ಕಾರ್ಯಕ್ರಮವು ವಿಜಯ್ ಅವರ ರಾಜಕೀಯ ಇನ್ನಿಂಗ್ಸ್ಗೆ ಮೊದಲು ಅವರ ಸಿನಿಮೀಯ ವಿದಾಯವನ್ನು ಸೂಚಿಸಿತು.
ಈ ಕಾರ್ಯಕ್ರಮದಲ್ಲಿ ಅತಿ ಹೆಚ್ಚು ಪ್ರೇಕ್ಷಕರನ್ನು ಹೊಂದಿದ್ದಕ್ಕಾಗಿ ಮಲೇಷ್ಯಾದ ಬುಕ್ ಆಫ್ ರೆಕಾರ್ಡ್ಸ್ಗೆ ಸೇರಿದೆ ಎಂದು ವರದಿಯಾಗಿದೆ, ಇದರಲ್ಲಿ ಹೆಚ್ಚಿನ ಭದ್ರತೆಯ ದ್ರಷ್ಟಿಯಿಂದಾಗಿ ಮಲೇಷಿಯನ್ ಪೊಲೀಸರಿಂದ ಕಟ್ಟುನಿಟ್ಟಾದ “ರಾಜಕೀಯವಿಲ್ಲ” ನಿರ್ದೇಶನವಿತ್ತು. ನಿರ್ಬಂಧದ ಹೊರತಾಗಿಯೂ, ವಿಜಯ್ ತಮಿಳುನಾಡಿನಲ್ಲಿ 2026 ರ ಚುನಾವಣಾ ಆಕಾಂಕ್ಷೆಗಳ ಬಗ್ಗೆ ಸುಳಿವು ನೀಡಿದರು,
ಹೆಚ್. ವಿನೋದ್ ನಿರ್ದೇಶನದ ‘ಜನ ನಾಯಗನ್’ ಚಿತ್ರದಲ್ಲಿ ಪೂಜಾ ಹೆಗ್ಡೆ, ಬಾಬಿ ಡಿಯೋಲ್, ಮಮಿತಾ ಬೈಜು, ಪ್ರಕಾಶ್ ರಾಜ್ ಮತ್ತು ಪ್ರಿಯಾಮಣಿ ಮುಂತಾದ ತಾರೆಯರು ನಟಿಸಿದ್ದಾರೆ.ಅನಿರುಧ್ಧ್ ರವಿಚಂದ್ರನ್ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ, ಈ ಚಿತ್ರವು ಜನವರಿ 9, 2026 ರಂದು ಪೊಂಗಲ್ ಹಬ್ಬದಂದು ಜಾಗತಿಕವಾಗಿ ಬಿಡುಗಡೆಯಾಗಲಿದೆ.
