ನವದೆಹಲಿ : ರಾಜಧಾನಿಯಲ್ಲಿ ರಾಜಕೀಯ ಗದ್ದಲದ ನಡುವೆ, ಖಾಸಗಿ ಕುಟುಂಬ ಆಚರಣೆಗೆ ಸದ್ದಿಲ್ಲದೆ ಸಿದ್ಧತೆಗಳು ನಡೆಯುತ್ತಿವೆ, ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಮತ್ತು ರಾಬರ್ಟ್ ವಾದ್ರಾ ಅವರ ಪುತ್ರ ರೈಹಾನ್ ವಾದ್ರಾ ತಮ್ಮ ದೀರ್ಘಕಾಲದ ಗೆಳತಿ ಅವಿವಾ ಬೇಗ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ.
ರೈಹಾನ್ ವಾದ್ರಾ ತಮ್ಮ ದೀರ್ಘಕಾಲದ ಗೆಳತಿ ಅವಿವಾ ಅವರೊಂದಿಗೆ ರಾಜಸ್ಥಾನದಲ್ಲಿ ನಡೆಯುವ ಖಾಸಗಿ ಕುಟುಂಬ ಕಾರ್ಯಕ್ರಮದಲ್ಲಿ ಅವಿವಾ ಬೇಗ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ. ನಿಶ್ಚಿತಾರ್ಥಕ್ಕೆ ಕೆಲವು ದಿನಗಳ ಹಿಂದೆ ಎರಡೂ ಕುಟುಂಬಗಳ ಒಪ್ಪಿಗೆ ಸಿಕ್ಕಿದೆ. ಅವಿವಾ ಬೇಗ್ ಮತ್ತು ಅವರ ಕುಟುಂಬ ದೆಹಲಿಯಲ್ಲಿ ನೆಲೆಸಿದ್ದಾರೆ,ಎಂದು ಕುಟುಂಬದ ಆಪ್ತ ಮೂಲಗಳು ತಿಳಿಸಿವೆ.
25 ವರ್ಷದ ರೈಹಾನ್ ವಾದ್ರಾ ಒಬ್ಬ ವ್ರತ್ತಿಪರ ದ್ರಶ್ಯ ಕಲಾವಿದರಾಗಿದ್ದು ಕಳೆದ 10 ವರ್ಷಗಳಿಂದ ಛಾಯಾಗ್ರಾಹಣ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ., ಪ್ರಕೃತಿ ಮತ್ತು ವನ್ಯಜೀವಿಗಳ ಮೇಲೆ ಹೆಚ್ಚಿನ ಆಸಕ್ತಿ ಹೊಂದಿದ ಅವರು ದೆಹಲಿಯಲ್ಲಿ ಪ್ರಾಥಮಿಕ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ಡೆಹ್ರಾಡೂನ್ ಮತ್ತು ಲಂಡನ್ನಲ್ಲಿ ಹೆಚ್ಚಿನ ಅಧ್ಯಯನವನ್ನು ಪೂರ್ಣಗೊಳಿಸಿದರು.
ದೆಹಲಿ ಮೂಲದ ಪ್ರಸಿದ್ಧ ಕುಟುಂಬದಿಂದ ಬಂದ ಅವಿವಾ ಬೇಗ್ ಅವರು ಸೃಜನಶೀಲ ಉದ್ಯಮಗಳೊಂದಿಗೆ ಸಂಬಂಧ ಹೊಂದಿದ್ದಾರೆ ಮತ್ತು ಛಾಯಾಗ್ರಹಣದಲ್ಲಿ, ವಿಶೇಷವಾಗಿ ಭಾವಚಿತ್ರ ಮತ್ತು ಪ್ರಯಾಣ ಕೆಲಸಗಳಲ್ಲಿ ತೀವ್ರ ಆಸಕ್ತಿಯನ್ನು ಹೊಂದಿದ್ದಾರೆ.ಅವಿವಾ ಅವರ ಅನೇಕ ಛಾಯಾಚಿತ್ರಗಳು ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಪೋರ್ಟಲ್ಗಳು ಮತ್ತು ಪ್ರಕಟಣೆಗಳಲ್ಲಿ ಕಾಣಿಸಿಕೊಂಡಿವೆ ಅವರು “ಯು ಕ್ಯಾಂಟ್ ಮಿಸ್ ದಿಸ್” (ಇಂಡಿಯಾ ಆರ್ಟ್ ಫೇರ್, 2023) ಮತ್ತು “ದಿ ಇಲ್ಯೂಸರಿ ವರ್ಲ್ಡ್” (2019) ಸೇರಿದಂತೆ ಹಲವಾರು ಪ್ರದರ್ಶನಗಳಲ್ಲಿ ತಮ್ಮ ಕಲೆಯನ್ನು ಪ್ರದರ್ಶಿಸಿದ್ದಾರೆ. ಇದಲ್ಲದೆ, ಅವರು ರಾಷ್ಟ್ರೀಯ ಮಟ್ಟದ ಸಾಕರ್ ಆಟಗಾರ್ತಿಯಾಗಿದ್ದಾರೆ
ಇಬ್ಬರೂ ಹಲವಾರು ವರ್ಷಗಳ ಹಿಂದೆ ವೃತ್ತಿಪರ ವಲಯಗಳ ಮೂಲಕ ಭೇಟಿಯಾದರು ಎಂದು ಹೇಳಲಾಗುತ್ತದೆ, ಹಂಚಿಕೊಂಡ ಸೃಜನಶೀಲ ಆಸಕ್ತಿಗಳು ಮತ್ತು ದೃಶ್ಯ ಕಥೆ ಹೇಳುವಿಕೆಯ ಮೇಲಿನ ಪ್ರೀತಿಯಿಂದಾಗಿ ಬೆಸೆಯಲ್ಪಟ್ಟರು, ಅದು ನಂತರ ವೈಯಕ್ತಿಕ ಸಂಬಂಧವಾಗಿ ಬೆಳೆಯಿತು ಎನ್ನಲಾಗಿದೆ.
