ಗೋರಖನಾಥ ದೇವಸ್ಥಾನದಲ್ಲಿ ಮಗುವಿನ ಕೋರಿಕೆ ಕೇಳಿ ಜೋರಾಗಿ ನಕ್ಕ ಸಿಎಂ. ಯೋಗಿ

ಗೋರಖ್‌ಪುರ: ಗೋರಖ್‌ನಾಥ ದೇವಾಲಯದಲ್ಲಿ ಮಕರ ಸಂಕ್ರಾಂತಿಯ ಸಂದರ್ಭದಲ್ಲಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಮತ್ತು ಮಗುವಿನ ನಡುವಿನ ಸಂಭಾಷಣೆಯ ವೀಡಿಯೊ ಪ್ರಸ್ತುತ ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿದೆ. ಈ ವೀಡಿಯೊವನ್ನು ಯಾರೇ ನೋಡಿದರೂ ಅವರ ಮುಖದಲ್ಲಿ ಸಂತೋಷ ಸ್ಪಷ್ಟವಾಗಿ ಗೋಚರಿಸುತ್ತದೆ. ಮಾಹಿತಿಯ ಪ್ರಕಾರ ಇಂದು ಬೆಳಿಗ್ಗೆ ಪ್ರಾರ್ಥನೆ ಸಲ್ಲಿಸಿದ ನಂತರ ಮುಖ್ಯಮಂತ್ರಿ ಯೋಗಿ ಭಕ್ತರನ್ನು ಭೇಟಿಯಾಗುತ್ತಿದ್ದಾಗ, ಅವರು ಒಂದು ಮಗುವನ್ನು ತಮ್ಮ ಬಳಿಗೆ ಕರೆದರು.

ಮುಖ್ಯಮಂತ್ರಿ ಯೋಗಿ, ಮಗುವನ್ನು ಪ್ರೀತಿಸುತ್ತಾ, ನಿರಾಳವಾಗಿ ನಿನಗೆ ಏನು ಬೇಕು ಎಂದು ಕೇಳಿದರು, ಆಗ ಮಗು ಅವರ ಕಿವಿಯಲ್ಲಿ ಮೃದುವಾಗಿ ಏನೋ ಹೇಳುತ್ತಾನೆ ಮೊದಲು ಸ್ಪಷ್ಟವಾಗಿ ಕೇಳಿಸದಿದ್ದರೂ ಬಾಲಕನು “ಚಿಪ್ಸ್”ಬೇಕು ಎಂಬುದನ್ನು ಕೇಳಿದ ತಕ್ಷಣ, ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ನಕ್ಕರು ಮತ್ತು ಅಲ್ಲಿದ್ದ ಜನರು ಸಹ ನಕ್ಕರು. ಇದರ ನಂತರ ಮುಖ್ಯಮಂತ್ರಿ ತಕ್ಷಣವೇ ಮಗುವಿಗೆ ಚಿಪ್ಸ್ ಆರ್ಡರ್ ಮಾಡಿ ಅವನಿಗೆ ನೀಡಿದರು. ಮುಖ್ಯಮಂತ್ರಿ ಯೋಗಿ ಮತ್ತು ಮಗುವಿನ ನಡುವಿನ ಈ ಸಂಭಾಷಣೆ ಎಲ್ಲರ ಮುಖಗಳಲ್ಲಿ ನಗುವನ್ನು ತರಿಸಿತು, ಇದರ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ವೈರಲ್ ಆಗುತ್ತಿದೆ.