ರಾಜಸ್ಥಾನ: ಪೆಪ್ಸಿ ಎಂದು ತಪ್ಪಾಗಿ ಭಾವಿಸಿ ಆಸಿಡ್ ಕುಡಿದ 4 ವರ್ಷದ ಬಾಲಕ; ಸ್ಥಿತಿ ಗಂಭೀರ !

ಭಿವಾಡಿ : ರಾಜಸ್ಥಾನದ ಖೈರ್ತಾಲ್-ತಿಜಾರಾ ಜಿಲ್ಲೆಯ ಕೈಗಾರಿಕಾ ಪ್ರದೇಶವಾದ ಭಿವಾಡಿಯಲ್ಲಿ ಹೃದಯ ವಿದ್ರಾವಕ ಘಟನೆ ಬೆಳಕಿಗೆ ಬಂದಿದೆ.

ನಾಲ್ಕು ವರ್ಷದ ಬಾಲಕನೊಬ್ಬ ಆಕಸ್ಮಿಕವಾಗಿ ತಂಪು ಪಾನೀಯ (ಪೆಪ್ಸಿ) ಎಂದು ತಪ್ಪಾಗಿ ಭಾವಿಸಿ ಬಾಟಲಿಯಲ್ಲಿದ್ದ ಆಸಿಡ್ ಕುಡಿದಿದ್ದಾನೆ. ಆಸಿಡ್ ಹೊಟ್ಟೆಗೆ ಪ್ರವೇಶಿಸುತ್ತಿದ್ದಂತೆ ಮಗುವಿನ ಸ್ಥಿತಿ ಹದಗೆಟ್ಟಿತು ಮತ್ತು ಅವನು ನೋವಿನಿಂದ ಒದ್ದಾಡಲು ಪ್ರಾರಂಭಿಸಿದನು.  ಕೂಡಲೇ ಬಾಲಕನನ್ನು ಮೊದಲು ಭಿವಾಡಿಯ ಆಸ್ಪತ್ರೆಗೆ ದಾಖಲಿಸಲಾಯಿತು ನಂತರ ಆತನ ಸ್ಥಿತಿ ಗಂಭೀರವಾದ ಕಾರಣ ಅಲ್ವಾರ್‌ಗೆ ಕಳುಹಿಸಲಾಯಿತು.ಬಾಲಕನಿಗೆ ಚಿಕಿತ್ಸೆ ಮುಂದುವರೆದಿದೆ. ಆತನ ಜೀವ ಉಳಿಸಲು ವೈದ್ಯರು ಪ್ರಯತ್ನಿಸುತ್ತಿದ್ದಾರೆ.