ಗುಜರಾತ್ :ಅಹಮದಾಬಾದಿನಲ್ಲಿ ನಡೆದ ವಿಮಾನ ಅಪಘಾತದಲ್ಲಿ ಪವಾಡ ಸದೃಶವಾಗಿ ಬದುಕುಳಿದ ರಮೇಶ್ ವಿಶ್ವಾಸ್ ಕುಮಾರ್ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ತಮ್ಮ ಕಥೆಯನ್ನು ಹಂಚಿಕೊಂಡಿದ್ದಾರೆ. 171 ಏರ್ ಇಂಡಿಯಾ ಅಪಘಾತದಲ್ಲಿ ತಮ್ಮ ಜೀವವನ್ನು ಹೇಗೆ ಉಳಿಸಿಕೊಂಡರು ಮತ್ತು ಬದುಕುಳಿಯಲು ಕಾರಣವನ್ನು ಪ್ರಧಾನಿ ಮೋದಿಗೆ ತಿಳಿಸಿದರು.
ಅಹಮದಾಬಾದ್ನಲ್ಲಿ ನಡೆದ ಏರ್ ಇಂಡಿಯಾ 171 ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದ 242 ಜನರಲ್ಲಿ ಬದುಕುಳಿದ ಏಕೈಕ ವ್ಯಕ್ತಿ ರಮೇಶ್ ವಿಶ್ವಾಸ್ ಕುಮಾರ್ ಆಗಿದ್ದಾರೆ. ಅವರನ್ನು ಶನಿವಾರ ಪ್ರಧಾನಿ ನರೇಂದ್ರ ಮೋದಿ ಅಹಮದಾಬಾದಿನ ಆಸ್ಪತ್ರೆಯಲ್ಲಿ ಭೇಟಿಯಾದರು.ಆ ಸಮಯದಲ್ಲಿ ವಿಮಾನ ಅಪಘಾತದ ಭಯಾನಕ ಕ್ಷಣದ ಕಥೆ ಮತ್ತು ಅವರು ಹೇಗೆ ಬದುಕುಳಿದರು ಎಂಬುದನ್ನು ರಮೇಶ್ ಪ್ರಧಾನಿ ಮೋದಿಗೆ ವಿವರಿಸಿದರು.
ರಮೇಶ್ ಪ್ರಧಾನಿ ಮೋದಿಗೆ ವಿಮಾನದಲ್ಲಿ 11A ಸೀಟಿನಲ್ಲಿ ಕುಳಿತಿದ್ದಾಗಿ ಹೇಳಿದರು. ಈ ಸೀಟು ಎಕಾನಮಿ ಕ್ಲಾಸ್ನ ಮೊದಲ ಸಾಲಿನಲ್ಲಿ ಬಿಸಿನೆಸ್ ಕ್ಲಾಸ್ನ ಹಿಂದೆ ಇತ್ತು. ತುರ್ತು ನಿರ್ಗಮನ ದ್ವಾರವು ಎಡಭಾಗದಲ್ಲಿರುವ ಈ ಸೀಟಿನ ಬಳಿ ಇತ್ತು. ವಿಮಾನ ನೆಲಕ್ಕೆ ಅಪ್ಪಳಿಸಿದಾಗ, ಆ ಭಾಗವು ಹಾಸ್ಟೆಲ್ ಕಟ್ಟಡದ ನೆಲ ಮಹಡಿಯಲ್ಲಿ ಬಿದ್ದಿತು .
ಆ ದೃಶ್ಯ ಹೇಗಿತ್ತು ಎಂದು ರಮೇಶ್ ಪ್ರಧಾನಿ ಮೋದಿಗೆ ಹೇಳಿದರು .
ನಾನು ಕುಳಿತಿದ್ದ ಬದಿ ನೇರವಾಗಿ ಕಟ್ಟಡದ ಕೆಳಗೆ ಬಿದ್ದಿತು. ಡಿಕ್ಕಿಯ ನಂತರ ಬಾಗಿಲು ಒಡೆದಾಗ, ನಾನು ಒಂದು ತೆರೆದ ಜಾಗವನ್ನು ನೋಡಿದೆ.ಹಿಂದೆ ಮುಂದೆ ಯೋಚಿಸದೆ, ನಾನು ಅಲ್ಲಿಂದ ಹಾರಿದೆ. ತಮ್ಮ ಮುಂದೆ ಆಸನಗಳ ಮೇಲೆ ಕುಳಿತಿದ್ದ ಎಲ್ಲಾ ಜನರು ಬೆಂಕಿ ಮತ್ತು ಅವಶೇಷಗಳಲ್ಲಿ ಸಿಲುಕಿಕೊಂಡಿದ್ದರು.
ಆ ಘಟನೆಯ ಬಗ್ಗೆ ಪ್ರಧಾನಿ ಮೋದಿಗೆ ಹೇಳಿದಾಗ ರಮೇಶ್ ತುಂಬಾ ಭಾವುಕರಾಗಿದ್ದರು .ಅಲ್ಲಿಂದ ಯಾರೂ ಜೀವಂತವಾಗಿ ಹೊರಬರಲು ಸಾಧ್ಯವಿಲ್ಲ. ನಾನು ಕಿರಿದಾದ ಹಾದಿಯ ಮೂಲಕ ಹೊರಬಂದೆ. ಹೇಗೆ ಎಂದು ನನಗೆ ತಿಳಿದಿಲ್ಲ. ಬಹುಶಃ ದೇವರು ನನ್ನನ್ನು ರಕ್ಷಿಸಿರಬಹುದು ಎಂದು ಅವರು ಹೇಳಿದರು.
ಪ್ರಧಾನಿ ಮೋದಿ ರಮೇಶ್ ಅವರ ಮಾತನ್ನು ಬಹಳ ಎಚ್ಚರಿಕೆಯಿಂದ ಆಲಿಸಿದರು ಮತ್ತು ಅವರ ಭುಜದ ಮೇಲೆ ಕೈಯಿಟ್ಟು ಅವರನ್ನು ಸಮಾಧಾನಪಡಿಸಿದರು. ನಿಮ್ಮ ಜೀವನವು ಈಗ ಇತರ ಅನೇಕರಿಗೆ ಭರವಸೆ ಮತ್ತು ಸ್ಫೂರ್ತಿಯಾಗಬಹುದು ಎಂದು ಪ್ರಧಾನಿ ಹೇಳಿದರು.