ಇಂಗ್ಲೆಂಡ್ : ಶನಿವಾರ ಬರ್ಮಿಂಗ್ಹ್ಯಾಮ್ನ ಎಡ್ಜ್ಬಾಸ್ಟನ್ನಲ್ಲಿ ನಡೆದ ಇಂಗ್ಲೆಂಡ್ ವರ್ಸಸ್ ಇಂಡಿಯಾ ಟಿ20 2025 ಸರಣಿಯ ಐದನೇ ಮತ್ತು ಅಂತಿಮ ಪಂದ್ಯದಲ್ಲಿ ಭಾರತೀಯ ಮಹಿಳಾ ಕ್ರಿಕೆಟ್ ತಂಡ ಇಂಗ್ಲೆಂಡ್ ವಿರುದ್ಧ ಐದು ವಿಕೆಟ್ಗಳಿಂದ ಸೋತಿತು.
ಈ ಸೋಲಿನ ಹೊರತಾಗಿಯೂ, ಭಾರತ ತಂಡವು 3-2 ಸರಣಿ ಗೆಲುವಿನೊಂದಿಗೆ ತವರಿಗೆ ಮರಳಲಿದೆ, ಅಂತಿಮ ಪಂದ್ಯವನ್ನು 3-1 ಮುನ್ನಡೆಯೊಂದಿಗೆ ಪ್ರವೇಶಿಸಿದ ಭಾರತ ತಂಡ ಮಹಿಳಾ ಕ್ರಿಕೆಟ್ ಇತಿಹಾಸದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತದ ಮೊದಲ ದ್ವಿಪಕ್ಷೀಯ T20 ಸರಣಿ ಗೆಲುವಿಗೆ ಇದು ಸಾಕ್ಷಿಯಾಗಿದೆ.
ಇಂಗ್ಲೆಂಡ್ ವಿರುದ್ಧದ ಈ ಹಿಂದಿನ ಆರು ಪಂದ್ಯಗಳ ದ್ವಿಪಕ್ಷೀಯ ಸರಣಿಗಳಲ್ಲಿ ಭಾರತ ಸೋತಿತ್ತು. 2006ರಲ್ಲಿ ಡರ್ಬಿಯಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಏಕೈಕ ಟಿ20 ಪಂದ್ಯವನ್ನು ಭಾರತ ಗೆದ್ದಿತ್ತು, ಇದು ಉಭಯ ತಂಡಗಳ ನಡುವಿನ ಮೊದಲ ಮುಖಾಮುಖಿಯೂ ಆಗಿತ್ತು.
ಈ ಪಂದ್ಯದಲ್ಲಿ ಭಾರತದ ಟಿ20 ನಾಯಕಿ ಹರ್ಮಪ್ರೀತ್ ಕೌರ್ ಭಾರತ ಪರ 334 ನೇ ಅಂತರರಾಷ್ಟ್ರೀಯ ಪಂದ್ಯವನ್ನು ಆಡಿದರು, ಅಲ್ಲದೆ ಮಾಜಿ ನಾಯಕಿ ಮಿಥಾಲಿ ರಾಜ್ ಕ್ರಿಕೆಟ್ ಇತಿಹಾಸದಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನು ಆಡಿದ ಭಾರತೀಯ ಮಹಿಳೆ ಎಂಬ ಹೆಗ್ಗಳಿಕೆಗೂ ಪಾತ್ರರಾದರು.
ಇಂಗ್ಲೆಂಡ್ vs ಭಾರತ 5ನೇ ಟಿ20 2025 ಸಂಕ್ಷಿಪ್ತ ಸ್ಕೋರ್ಗಳು : ಭಾರತ 20 ಓವರ್ಗಳಲ್ಲಿ 167/7 (ಶಫಾಲಿ ವರ್ಮಾ 75; ಚಾರ್ಲಿ ಡೀನ್ 3/23)
ಇಂಗ್ಲೆಂಡ್ 20 ಓವರ್ಗಳಲ್ಲಿ 168/5 (ಡ್ಯಾನಿ ವ್ಯಾಟ್-ಹಾಡ್ಜ್ 56) ದೀಪ್ತಿ ಶರ್ಮಾ 2/31) ಐದು ವಿಕೆಟ್ಗಳಿಂದ ಸೋಲಿಸಿತು.