ಬ್ಯಾಂಕಾಕ್ : ಥೈಲ್ಯಾಂಡ್ ಮತ್ತು ಕಾಂಬೋಡಿಯಾ ಸುಮಾರು 817 ಕಿಲೋಮೀಟರ್ ಗಡಿಯನ್ನು ಹಂಚಿಕೊಂಡಿದ್ದು 11 ನೇ ಶತಮಾನದ ಪ್ರಿಯಾ ವಿಹಿಯರ್ ದೇವಾಲಯದ ಕುರಿತು ಎರಡೂ ದೇಶಗಳ ನಡುವಿನ ಗಡಿ ವಿವಾದ ಪ್ರಾರಂಭವಾಯಿತು.
1952 ರವರೆಗೆ ಕಾಂಬೋಡಿಯಾ ಫ್ರೆಂಚ್ ವಸಾಹತು ಪ್ರದೇಶವಾಗಿತ್ತು. ಈ ಸಮಯದಲ್ಲಿ ದೇಶದ ಗಡಿಗಳನ್ನು ಗುರುತಿಸಲಾಯಿತು.1907 ರಲ್ಲಿ ಗಡಿ ಗುರುತಿಸುವಿಕೆಗೆ ಸಂಬಂಧಿಸಿದಂತೆ ಒಪ್ಪಂದಕ್ಕೆ ಬರಲಾಯಿತು. ಇದರ ಪ್ರಕಾರ ಪ್ರಾಚೀನ ಹಿಂದೂ ದೇವಾಲಯವನ್ನು ಕಾಂಬೋಡಿಯಕ್ಕೆ ಸೇರಿಸಲಾಯಿತು ಈ ಬಗ್ಗೆ ಥೈಲ್ಯಾಂಡ್ ಕಾಂಬೋಡಿಯನ್ ಗಡಿಯೊಳಗೆ ದೇವಾಲಯವನ್ನು ಸೇರಿಸಲು ಆಕ್ಷೇಪ ವ್ಯಕ್ತಪಡಿಸಿತು. ದೇವಾಲಯವು ತನ್ನ ಗಡಿಯೊಳಗೆ ಇದೆ ಎಂದು ಅದು ಹೇಳಿಕೊಂಡಿತು.1959 ರಲ್ಲಿ ಕಾಂಬೋಡಿಯಾ ಈ ವಿಷಯದ ಬಗ್ಗೆ ಅಂತರರಾಷ್ಟ್ರೀಯ ನ್ಯಾಯಾಲಯವನ್ನು ಸಂಪರ್ಕಿಸಿತು.
ತರುವಾಯ ಅಂತರರಾಷ್ಟ್ರೀಯ ನ್ಯಾಯಾಲಯವು ದೇವಾಲಯವು ಕಾಂಬೋಡಿಯನ್ ಗಡಿಯೊಳಗೆ ಇದೆ ಎಂದು ತೀರ್ಪು ನೀಡಿತು. ಆ ಸಮಯದಲ್ಲಿ ಥೈಲ್ಯಾಂಡ್ ಈ ಆದೇಶವನ್ನು ಒಪ್ಪಿಕೊಂಡಿತು, ಆದರೆ ದೇವಾಲಯದ ಸುತ್ತಲಿನ ಪ್ರದೇಶಗಳು ತನ್ನ ಗಡಿಯೊಳಗೆ ಇವೆ ಎಂದು ಒತ್ತಾಯಿಸಿತು. ಹಲವು ವರ್ಷಗಳ ನಂತರವೂ ಈ ವಿವಾದ ಬಗೆಹರಿಯದೆ ಉಳಿದಿದೆ.
2008 ರಲ್ಲಿ ಕಾಂಬೋಡಿಯಾ ಈ ದೇವಾಲಯವನ್ನು ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿ ನೋಂದಾಯಿಸಲು ಪ್ರಯತ್ನಗಳನ್ನು ಪ್ರಾರಂಭಿಸಿದಾಗ ವಿವಾದ ಮತ್ತೆ ಭುಗಿಲೆದ್ದಿತು. ಕಾಂಬೋಡಿಯಾದ ಈ ಕ್ರಮದ ವಿರುದ್ಧ ಥೈಲ್ಯಾಂಡ್ನಿಂದ ಭಾರಿ ಪ್ರತಿಭಟನೆ ವ್ಯಕ್ತವಾಯಿತು. 2011 ರಲ್ಲಿ ಗಡಿ ವಿವಾದವು ಎರಡೂ ದೇಶಗಳ ನಡುವೆ ಸಂಘರ್ಷಕ್ಕೂ ಕಾರಣವಾಯಿತು.
2011 ರಲ್ಲಿ ಒಂದು ವಾರದ ಸಂಘರ್ಷದಲ್ಲಿ 15 ಜನರು ಸಾವನ್ನಪ್ಪಿದರು. ಕಳೆದ ವರ್ಷ ಎರಡೂ ದೇಶಗಳು ಥಾಯ್-ಕಾಂಬೋಡಿಯನ್ ಗಡಿಯಲ್ಲಿರುವ ‘ಫ್ರೆಂಡ್ಶಿಪ್ ಬ್ರಿಡ್ಜ್’ ನಲ್ಲಿ ನಿಯಮಿತವಾಗಿ ಚೆಕ್ಪೋಸ್ಟ್ಗಳನ್ನು ತೆರೆದವು. ಆದರೆ ಒಂದು ವರ್ಷದ ನಂತರ ಈ ಸಂಬಂಧ ಮತ್ತೆ ಹದಗೆಟ್ಟಿದೆ ಮತ್ತು ಈಗ ಎರಡು ದೇಶಗಳ ಮಧ್ಯೆ ಯುದ್ಧ ಪ್ರಾರಂಭವಾಗಿದ್ದು ದಾಳಿ ಮತ್ತು ಪ್ರತಿದಾಳಿಯತ್ತ ಸಾಗುತ್ತಿದೆ ಈ ಈವರೆಗೆ ಒಟ್ಟು 13 ಮಂದಿ ಸಾವನ್ನಪ್ಪಿದ್ದಾರೆ
